← Tá daoine ann a deir gur tharla a leithéid seo riamh anall agus nach bhfuil ann ach go gcloisimid níos mó faoi na laethanta seo de bharr na réabhlóide atá tagtha ar chúrsaí cumarsáide. 🔊
← Mar is eol dúinn scaipeann scéalta ar luas lasrach agus bíonn siad i mbéal an phobail láithreach bonn. 🔊
← Séanann na daoine seo go bhfuil aon athrú bunúsach ag teacht ar an aeráid nó má tá, gur feiniméan nádúrtha é nach bhfuil aon neart againn air. 🔊
← Mar sin níl le déanamh againn, dar leo siúd, ach treabhadh ar aghaidh mar atáimid agus ár dtoil a chur le toil Dé - más ann Dó nó Di nó Dóibh. 🔊
← Feictear dóibh go bhfuil an cine daonna ar tí an pláinéad a scrios agus muna ndéanaimid athruithe móra ar ár nósanna maireachtála go n-íocfaimid go daor as. 🔊
← Ní shéanann siad gur tháinig agus go dtagann athrú ar an aeráid ach na hathruithe a thógadh cúpla céad bliain nó cúpla míle bliain, tá siad ag tarlú anois in achar an-ghearr, achar fiche bliain nó níos lú. 🔊
← Níl aon deireadh le líon na gcarranna atá ar na bóithre againn ná le líon ná n-eitleán a thagann agus a imíonn ó na haerphoirt. 🔊
← Tá an t-oighear ag an Mol Thuaidh agus ag an Mol Theas ag leá ar luas nach bhfacthas riamh cheana. 🔊
← Ní fios go díreach cén tionchar a bheidh ag a leithéid seo ar an aimsir, ar an bhfarraige agus ar an dúlra. 🔊
← Níl a fhios ag éinne beo an bhfuilimid ródhéanach chun an aeráid a athrú ar ais agus suáilcí an tsaoil a bhronnadh ar an gcéad ghlúin eile. 🔊